環境局去年11月將《2018年廢物處置（都市固體廢物收費）（修訂）條例草案》提交立會進行首讀及二讀，隨後成立法案委員會，現正處審議階段。適逢今年區議會選舉，明年亦是立會選舉年，各政黨議員對條例草案持不同意見。

專業議政、會計界議員梁繼昌表明希望條例草案能盡快通過，認為若條例未通過時，不同場景會面對的執法問題，現討論只屬假設性，「到時真係執法，可能未遇過嘅問題都會出現，政府用乜嘢方法去解決，先係主要令呢條法例可以繼續執行嘅因素」。梁繼昌估計政府打算於6月將條例草案交回立法會大會恢復二讀辯論和三讀，「我就唔係好樂觀，但都希望可以喺呢一屆立法會完成，如果唔係就無㗎啦喎，因為唔可以過去下一屆，咁係會差嘅」。

民建聯議員葛珮帆指法案委員會上的委員對於政策如何實施有較多疑慮，「主要分幾大方面，包括政府點樣處理非法棄置問題，處理唔好會引發好多衞生黑點。另外就係政府部門嘅協作問題，政策就屬於環境局，但執行時去咗食環署，佢哋到底點協作？呢方面大家好關注，同埋如果啲人唔肯用指定膠袋咁點處理？」

葛表示，政府答覆未令人滿意，雖然委員認同政策方向，「問題係要付出幾大代價，同埋對於政府喺執行上有冇信心」。當被問及能否在7月「放暑假」前完成審議時，葛直言「無可能，都仲傾緊大方向嘢，唔會咁快去到逐條審議，如果政府解答到我哋問題就可以行快啲」。

環境局回覆指，相關條例草案正由立會審議，局方會全力配合審議工作，並強調各界在過去一段時間已就這項政策及相關安排凝聚共識，望條例草案能早日通過，以便徵費能最早於2020年年底實施。