當年今日

專注拍戲無顏領音樂獎
小齊偷閒浪漫延續初戀感覺

蘋果日報 2003/12/28 00:00


任賢齊今年花了七個月拍兩部電影,所以花在音樂上的時間所餘無幾,他更因不好意思拿獎而推掉出席頒獎禮,但一個台灣歌手能在港發展至今已算不簡單,小齊感激身邊幫過他的朋友,亦有與女朋友結婚的打算,百忙中維繫感情的方法就是抽空做一些浪漫的事。
愛情篇:
常回味初戀感覺
眾所周知小齊有一位拍拖十多年的女友Tina,雖然小齊來港發展期間曾與莫文蔚及鄭秀文傳緋聞,但都無損二人的感情,最近杜德偉(Alex)與名模女友周汶錡的分手傳聞甚囂塵上,原因不外乎分隔兩地,感情難以保持,小齊與女友亦是經常分隔異地,究竟他怎樣去維持與女友之間的感情呢?他說:「我覺得點忙,做嘢幾辛苦,返到屋企都唔可以即時瞓覺,點都要陪下女友食吓飯行吓街,或者放吓狗都好,一定要搵一啲浪漫嘅事做,唔一定要使好多錢,最緊要有氣氛。」他更說:「每次諗番起初戀嘅感覺,你就知點解你會鍾意呢個女人。」

「盡量唔出去玩」
小齊亦表示家人都曾催婚,他笑言:「我同我爸爸講我娶咗個老婆返來又冇時間照顧佢,唔通畀佢照顧咩!咁佢就明白,咁就冇再催。」問到他有甚麼說話或承諾可讓女友安心,小齊謂:「盡量唔出去玩囉,做完嘢即刻乖乖返酒店瞓覺。」

不想女友探班
Tina近年常陪小齊四出工作,小齊指自己並不是不喜歡女友做「跟得夫人」,只是有時連他自己也覺得辛苦,小齊說:「有次佢試過嚟北京探班,但當時好凍,佢攞咗啲湯畀我,我都冇時間飲,最後啲湯都結晒冰,而且拍嘢好多時都係日接夜、夜接日,大家可能都見唔到面,所以不如唔好探重好。」
問到小齊Tina是否他的結婚對象?小齊坦言:「如無意外都係嘅,我都唔細㗎,有諗過結婚,但根本冇時間,而且大家都知我有女友,所以唔介意,其實我𠵱家唔做嘢冇問題,但係身邊有好多人,有時唔係淨係為我自己做嘢,有好多人都為我努力緊,我都要為番佢哋努力。」
empty
小齊坦言曾被爸爸催婚,但他以沒有時間照顧未來老婆為由而成功擺脫追問。
empty
小齊的女友Tina常常陪小齊出席公開場合,十分恩愛。
資料圖片