方力申父親前晚在中環為畫家沈敬東舉行畫展，獲相士贈言今年儲不到錢的小方，即場買下價值90,000元的作品，在股票市場中獲利的他，自言花錢之餘希望可以保值，未知其如意算盤能否打響呢？而自小希望當畫家的古巨基則透露想為小方畫素描。

方力申父親在中環開設的畫廊前晚舉行「人皆英雄－沈敬東畫展」，除了小方全家總動員撐場外，其經理人黃柏高、好友雷頌德夫婦、古巨基及林夕等均有到場支持，不過小方的緋聞女友鄧麗欣臨時以錄音為理由缺席。

投資股票放長線

前晚小方身體力行，即場自掏腰包以90,000元購下一幅沈敬東作品，小方說：「佢畫得好似，啲畫會保值，過幾年會升價，我試過用20萬買畫嚟投資，𠵱家暫放喺我爸爸畫廊度。」
小方透露有相士預測他今年儲不到錢，故他選擇買東西保值，被問到有否投資股票時，小方說：「有啲，都賺咗少少，但我係穩陣派，買嘅股票要擺吓，將來先知係咪賺錢。」提到兩位緋聞女友鄧麗欣和傅穎盛傳不和，小方說：「我就唔信，呢啲嘢幾個月前已講，女仔同女仔都可以傳咁耐。」

古巨基望開畫展

眾所周知古巨基愛畫畫，開畫展是他小時候的夢想，基仔前晚說：「我想開素描展，我多數畫人像。」那麼他會否畫裸體像？基仔說：「未試過，我畫人都只畫半身，未試過畫全身，對象多數係以前嘅女友，但都係只畫半身。」基仔謂畫人體是很好的挑戰，但要以藝術的角度去看，被問到最想畫誰的全身像，基仔說：「男仔想畫小方，佢身材好，女仔就畫Kary啦，因為佢對腳夠長。」
採訪：胡比
攝影：葉君海