屢奪本港最佳地產分析員獎項的摩根士丹利（大摩）董事總經理卓百德（洋名叫彼得）有新動向。八方噚日收到大摩的通知，話彼得已轉做顧問董事，即不再沾手日常管理工作，但會繼續撰寫地產市場的文章，也會保持與客戶的聯繫。據大摩方面解釋，彼得咁做係為了不再做每日評論，轉而彈性地安排自己的工作，尤其想多做一些全球性地產市場分析，以及有更多時間陪伴家人。呢種解釋人事變動嘅說法，都幾得體。
八方以前同彼得有數面之緣，佢係一位香港樓市大好友，這看法令佢喺九七年前數度獲基金經理選為最佳地產分析員，即使九八年及九九年度，佢都準確看到樓市反彈的一刻，但以後恐怕難再聽到佢嘅精闢論點。講起大摩，佢哋位亞太區總裁傅善廷前排亦以同一理由轉做董事總經理，唔知係咪巧合呢？


E-mail：[email protected]