同人唔同命，民主黨排頭位嘅甘乃威都要告急，公民黨「一姐」陳淑莊Tanya就唔使擔心咁多，噚日拉票時仲有媽媽親手煲嘅竹蔗茅根水潤喉。
Tanya拉票日日嗌咪，可能媽媽聽到都心痛，煲定好滋潤嘅竹蔗茅根水畀佢潤喉護住把聲，Tanya又話媽媽咁大個人，都未投過票，今次終於為佢獻出第一次，支持乖女入立法會。
史泰祖噚日總動員一家三口拉票，太太同女兒丹丹幾乎全日企喺佢附近助選，可能係最溫馨助選團隊，葉劉個女榮欣已返美國開學，前晚打電話預祝媽咪當選，遲啲返嚟慶祝。