鍾嘉欣同伍允龍嘅關係，一直都好撲朔迷離，早排就有傳嘉欣因為抵受唔住女尊男卑壓力而分手，又有傳為保事業而假分手，今日嘉欣喺愉景灣出席活動，問到佢有關嘅傳聞，佢就話：「一陣話分手，一陣又話復合，轉頭又話有第三者，總之私人事我會繼續保持低調，唔會改變。」至於兩個嘅關係有冇改變？佢就話：「唔會再多講喇，大家都係呢一行，預咗會俾人問，但呢啲嘢應該留俾自己。」

最近有網民指汪明荃為新劇唱嘅主題曲係「洗腦歌」，阿姐今日就笑住話：「我要多謝網民，佢哋一定聽咗好多次先覺得洗腦，但係我覺得絕對唔係，呢首歌好深情，好順口。」至於有指鄭少秋錄影節目時，當眾暗寸阿姐咪嘴，佢就話：「我從來唔咪嘴，而且秋官一向好慎言，唔會咁講我！」