當年今日

  長毛鬧煲呔 煲呔寸卿姐
- 李八方

蘋果日報 2006/10/13 08:00


煲呔噚日出席立法會答問大會,預咗俾班議員圍攻,點知長毛個friend古思堯響會議廳大嗌反對小圈子選舉,長毛再嚟個裏應外合,幫口叫埋一份,兩個人好似立體聲咁,聲音兩邊走。長毛仲加多兩錢肉緊,大鬧煲呔講大話,明明好多人支持最低工資,但係佢就係都唔立法,結果主席范太忍無可忍,向長毛下逐客令。
雖然呢個場面已經見怪不怪,但長毛同古思堯嘅說話始終令煲呔有啲尷尬,但係佢噚日仲識得寸番其他人。
話說鄭大班問點解卿姐約見一哥李明逵傾何俊仁單案,約咗咁耐一哥始終唔肯見佢。煲呔竟然話,可能卿姐語氣唔好啩,一向出名夠惡嘅卿姐聽到,居然哈哈大笑。