當年今日

  滿漢全席老闆唔認暴殄天物 - 李八方

蘋果日報 2003/01/21 00:00


畀錢食一餐三十六萬六千蚊滿漢全席嘅商人梁先生終於現身,接受內地《西安晚報》訪問,佢話喺澳洲做飲食旅遊生意,想將中菜引入澳洲,所以專程帶埋七十幾歲嘅老父,去西安試吓滿漢滋味。
而整出呢餐「大鑊飯」嘅西安頤和園聽鸝飯莊總經理吳際,就俾中央電視台捉去訪問,吳總話三十六萬六呢個價錢,係同梁生「討論」出嚟,取其二○○三年三三不盡,六六大順好意頭。
好多人批評飯莊牟取暴利,吳總堅稱有數得計,至於點計就講到唔清唔楚。
佢承認有啲餸只係捧出嚟睇睇,之後就倒咗,主持人質問佢咁算唔算暴殄天物,吳總咁答:「這是一種飲食文化,他(指批評者)的思想還停留在五、六十年代的水平!」
中央台重話呢間開業三個幾月嘅食肆,𠵱家每日營業額幾乎等於零!



傳真︰2623-9278
電郵︰[email protected]