當年今日

趣趣地:吳偉超中甲捧盃賀壽

蘋果日報 2016/10/23 00:00


恭喜吳偉超喺35歲生日捧盃,用金牌告別天津權健。中甲噚日煞科,權健、貴州智誠同青島黃海賽前同得56分排三甲,三隊爭兩個升班席位。最終三隊都贏波,權健以3:0大勝梅州客家,由於對賽成績最好,贏冠軍升班;權健港將基藍馬同吳偉超雖然冇份踢,但賽後都一齊慶祝。噚日生日嘅超哥已經同權健約滿,話嚟緊會向教練方向發展。至於法圖斯嘅智誠就以2:1贏咗新疆天山雪豹,以亞軍晉身中超,「法叔」下季有機會喺中超披甲。至於有高梵效力嘅黃海雖然贏咗大連一方,但對賽成績係三隊最差,所以冇份升班。