「細哨」朗拿甸奴係當今賺錢最多嘅球星之一，不過佢不單止用錢唔豪，仲好似小學生咁吓吓問阿媽攞錢㖭！「細哨」話自出道以來慣咗將錢交晒畀阿媽，平時只係入油先要錢（仲係碌卡），所以自己褲袋成日都仙都唔仙吓；咁鬼窮，啲朋友會唔會唔同佢出街呢？「細哨」就話同朋友食嘢，佢哋都會爭住埋單，搞到自己都唔好意思太大食。