當年今日

胡櫻汶:希望大家原諒佢
李文彪淚不停講對唔住

蘋果日報 2002/09/14 00:00


早前大鬧《星光熠熠耀保良》的李文彪,日前和女友胡櫻汶接受有線娛樂台訪問,胡櫻汶希望大家原諒李文彪,並說自己並不需要有錢的男人,只希望可以找到一個和自己白頭到老的男人。兩人都在訪問中灑淚,場面令人感動。
無綫前藝人李文彪(原名李文標)本周日大鬧《星光熠熠耀保良》,即成為新聞人物。日前李文彪和女友胡櫻汶,齊齊接受瑪利亞(肥媽)主持的有線電視節目《錯後一百小時》訪問,談到兩人的感情問題時,李文彪和胡櫻汶都淚灑當場,場面令人感動。

「佢愈來愈古縮」
肥媽邀請胡櫻汶出場時,李文彪即時忍不住喊,胡櫻汶亦哭着說:「佢好儍,我哋相處咗好多年,冇結婚,因為佢覺得自己唔能夠照顧我,到有一日佢有能力照顧我時,先至會結婚。佢一路將啲嘢擺喺心度,愈來愈古板、古縮,其實我對生活嘅需求唔大,𠵱家嘅水平,我已經覺得滿足、開心。」
李文彪認為十年前拍劇受傷入院,事後女友替自己向無綫講說話,反而毀了胡櫻汶的前程,最後不獲無綫續約,對此胡櫻汶說:「就算我唔講任何說話可能結果都一樣,始終自己外形各方面都有局限,只不過因為咁星途短咗少少。」

望能白頭到老
胡櫻汶續說:「佢連續見咗兩日報之後,我同佢傾咗兩日,我哋都希望呢件事有個了斷,佢雖然做咗不能原諒嘅錯誤,但我希望大家可以原諒佢。」
肥媽問胡櫻汶為何對李文彪不離不棄,胡櫻汶說:「佢真係心地好善良嘅男仔,而且孝順父母,我唔需要搵個好有錢嘅男人,我只希望搵到一個可以同我白頭到老嘅男人。我希望話畀大家聽佢唔係有問題嘅人,只係一時衝動,佢見到自己出咗港聞版,真係好驚,我都可以支持佢,希望大家唔好對佢有戒心。」
而李文彪亦向胡櫻汶說:「如果冇咗你嘅支持,我都唔知點好,對唔住!」整個訪問內容,將會於今晚八點半,在有線娛樂台播映。