隔牆有耳:
吳光正當年想改革公院 - 李八方

蘋果日報 2015/05/16 00:00


今年68歲嘅吳光正退休,噚日最後一次以九倉主席身份出席股東會,會後講政治多過講生意經。吳光正以前係公職王,例如1995至2000年就做過醫管局主席,佢噚日就透露當年接受呢個職位,係有個人原因,因為佢1980年曾去過公立醫院,對公立醫院好反感,所以想幫手搞改革喎。佢話當年有一個周日去粉嶺打波,點知爸爸突然中風,雖然當時父親家住半山,但因為call白車,送咗去瑪麗。佢話係人生第一次去公立醫院,經歷好恐怖,走廊擺滿病床,有事想問人又冇人應、冇人理。最後爸爸中風三日後就離世,呢個經驗一直令佢耿耿於懷。
吳光正將3,000億上市公司王國交畀年僅36歲嘅阿仔吳宗權接捧,要留待公司同事、市場和街外人評價,「你哋畀幾多分,就係幾多分」。