當年今日

越野路華福特整合轉舵手

蘋果日報 2003/01/21 00:00


唉!真係世事難料,上星期除咗萬事得有醞釀風潮迹象嘅同時,另一邊廂以越野車見稱嘅越野路華,正為搬舖同搬維修部忙得如火如荼之際,想唔到身為總舵手嘅TerenceCheng會突然向公司請辭。
據聞事緣係森那美集團,將福特同越野路華香港業務整合所致;Terence任職越野路華多年,曾經歷過車廠被收購及合併嘅風雨日子,雖然近年公司決策層放棄私家車嘅業務,僅集中資源投放響越野路華身上,惟Terence跟一班同事仍努力不懈,同時又為咗拓展顧客層面,曾舉辦多次中、外駕車旅遊,好等客人能夠真正認識到,越野路華嘅全天候能耐,確實係香港車壇一位不可多得嘅人才呢!至於兩間公司整合後,據知會由福特嘅LeonardCheng全權負責,以Leonard響車壇有咁高資歷,相信日後兩間公司會有一番新景象㗎!