何超鳳任主席的香港芭蕾舞團前晚在灣仔舉行聖誕籌款晚會，眾名媛何超瓊、張天愛、邢嘉倩及林心兒等出席支持。作為香港芭蕾舞團董事局成員的張天愛，支持舞團30多年，當年由父親張有興開始，希望一代傳一代，張天愛說：「已經逼大孫女做一字馬，小朋友比較鬆，如果佢鍾意我一定會親身教導，我已經買咗芭蕾舞鞋、魔術棒，被動地感染佢，係要睇佢能力同鍾意，因為跳芭蕾舞係全世界最辛苦嘅事，跳24小時都可能冇乜錢，芭蕾舞係崇真愛心。」

談到前夫邢李㷧和林青霞離婚傳聞，張天愛代澄清：「點解個個都問我？我哋成日見，冇事，冇事。一家人天天keep happy，冇事。」
採訪：羅慧敏
攝影：葉君海