當年今日

日韓直擊花絮

蘋果日報 2002/06/04 00:00


日電視全民教育睇波
日本幾個主要電視,包括NHK及TBS等為咗迎接世界盃,推出不少足球節目,早上先教市民認識足球,下午同晚上就直播日本同部份南韓賽區比賽;之後就有精華,有電視台重搵埋前南斯拉夫隊長史杜高域上去做嘉賓講波。

足球遊戲熱賣破紀錄
喺日本同香港都大熱的PS2足球遊戲winningeleven6,推出個多月,食住世界盃嘅熱潮,已經賣出超過六十八萬五千隻遊戲,破晒同時期賣出最多足球電視遊戲紀錄;而開發呢個遊戲嘅KONAMI,希望呢個遊戲可以賣到一百五十萬隻。

英瑞大戰都有空位
前晚英格蘭對瑞典場波,場外好多冇飛嘅球迷希望可以最後一刻搵到票入場,不過場內所見,三樓高層原來有唔少空位,到底啲波飛去咗邊呢?真係唔明,係咪球迷買咗飛冇去?抑或係其他原因呢,希望國際足協搵到答案啦!