周星馳（星爺）最近成為生力啤酒代言人，為期兩年，昨日他聯同田啟文（田雞）、林子聰（肥仔聰）及陳國坤（小龍）等到番禺香江野生動物園世界出席生力啤宣傳活動，星爺甫出現便被記者追問有關羅兆輝的事情，氣氛頓時由輕鬆變得嚴肅。
不怕照片被公開
星爺說：「啲相（指星爺與一名女子的合照）俾人登出嚟，其實我冇乜所謂，因為根本乜事都冇發生過，只係一張普通相，我覺得啲記者唔好再跟羅兆輝啦，畀佢休息吓，我見佢都好辛苦吓。」
或被藥物所影響
近期不斷見報的羅兆輝，精神似乎受很大困擾，星爺感慨地說：「最近喺報紙上見到嘅羅兆輝，我覺得好陌生，佢講嘅嘢，可能俾人渲染咗，又可能係受酒精、藥物影響，以前我認識嘅羅兆輝，反應敏捷、進取、有鬥心又好聰明，我真係好希望見番以前嘅佢，但近年我同佢都冇乜聯絡，因為我都冇佢新電話號碼。」
對於羅兆輝早前接受訪問，指一位影星朋友吸食白粉，昨日星爺說：「我都唔知你哋講乜，有啲問題記者唔應該問，因為有啲問題離晒譜。」當星爺被問到有否替好友趙薇慶生辰時，他則說：「日前佢嘅生日會我就冇去到，不過我都會為佢補祝生日。」
星爺昨日落力為生力啤酒做宣傳，大會在動物園內搭了高台，又請星爺上台打沙包，他說：「今次我同生力簽咗兩年合約，最近出街嘅廣告，我只係演出，未有參與構思，遲吓我重會返內地拍一個飲品廣告，呢個廣告由馮小剛執導，至於話我會拍佢部新戲《天下無賊》，其實重未落實，大家重傾緊。」而星爺昨日在台上亦與十多位啤酒女郎猜枚。