舊年公開承認結咗婚兼做埋人老竇嘅吳尊，早前應內地電視台嘅邀請，同三歲半嘅囡囡NeiNei參加節目《爸爸回來了》，不過吳尊幫囡囡洗白白片段曝光後，惹嚟唔少非議，仲有唔少觀眾鬧爆。

今日吳尊同埋好兄弟汪東城、辰亦儒，為造型師好友開嘅髪型屋做宣傳，對於早前洗白白片段受爭議，辰亦儒就話件事其實好健康，仲透露當時自己都在場。

而吳尊個女NeiNei見到辰亦儒哥哥喺度，竟然話佢「變態﹗」，令人哭笑不得。