當年今日

自覺《有幾壞》兒童不宜
陳冠希拒絕教壞細路

蘋果日報 2002/05/30 00:00


陳冠希早前抽空到西貢,與三十多位小朋友共享郊遊樂,其間小朋友一度叫他教跳新歌《有幾壞》的舞步,但陳冠希為免其中「摸下體」的動作會教壞細路而拒絕。
陳冠希(Edison)日前應無綫邀請,為稍後無綫與獅子會合作的特備節目拍攝特輯。
Edison當日上午前往西貢獅子會的自然教育中心,與三十多位小朋友共享郊遊樂,大夥兒一起植樹及參觀自然徑的各項設施,更一起玩遊戲,玩得不亦樂乎。

大受歡迎
小朋友們一見Edison,即如螞蟻見蜜糖般圍着Edison,要求他簽名和合照,又有小朋友表示長大後要做Edison,認為他不時在電視出現,十分威風。
有小朋友看見Edison近日在電視獻唱《有幾壞》時大跳勁舞,有型有格,要求Edison教他們舞步,但Edison有感當中有類似「摸下體」的舞步,為免教壞細路,所以一口拒絕小朋友們的要求。

伸脷散熱
及後,Edison又與小朋友們玩麻鷹捉雞仔,沒料到小朋友竟然對這個傳統的兒童遊戲毫無認識,Edison於是向小朋友說:「有冇搞錯呀?連麻鷹捉雞仔都唔識,你哋唔好成日掛住喺屋企玩電腦同打遊戲機啦,好似我咁,雖然我𠵱家好鍾意打機,但我以前都有玩麻鷹捉雞仔呢啲咁有童真嘅小朋友玩意㗎。」此外,Edison不時在小朋友面前伸脷,原來是天氣太熱所致。