修讀1年主婦變身珠寶設計師
當了十多年家庭主婦的Sylvia，去年進修有關珠寶設計的課程後，便在朋友開設的珠寶公司工作，繼而參加第一屆世界性珠寶設計比賽，即奪得第三名。其後更有世界知名的水晶首飾公司，欣賞她的設計而向她招手。一切看似毫不費力，但事實背後付出不少，誰敢再說師奶無用？
記者：朱文俊 攝影：陳盛臣
日畫十多小時 一見畫紙就驚
婚前的Sylvia，曾任職廣告公司，也參與過電影製作，接觸層面頗廣，但婚後卻專心當家庭主婦，再沒踏出社會工作。由於夫妻二人都沒有打算生小孩子，Sylvia便計劃找些課程進修一下，心想最好揀一科有益自己又有益朋友的，即時便想到有關珠寶課程。
其後，她找朋友留意這方面的資料，最終揀了修讀浸會大學持續教育學院的課程。整個課程包括首飾設計及製作兩部份，當了十多年家庭主婦，不想一下子令自己太辛苦，只揀選了首飾設計修讀。她坦言起初還是不習慣：「始終放下書本十多年，一下子怎可以適應？起初想得好簡單，以為只係畫一兩幅設計圖，睇吓鑽石點分類，點知愈讀愈辛苦，尤其到差不多畢業嘅時候，簡直辛苦到頂唔住，因為當時有好多設計圖要畫，每日起碼要畫十幾小時，一見到張畫紙已經驚，幸好導師教得幾好，又經常鼓勵我們去參加比賽，終於都捱到高班畢業。」
興趣伸延 重投社會
正當開始習慣了讀書的生活時，豈料另一個更大的轉變正等候着Sylvia。她笑說當時的情況：「當時我還在讀設計課程，有個朋友做開珠寶生意，打算測試香港市場潛力，他知道我讀緊珠寶設計，於是叫我去幫手，我又覺得幾好玩，便一口應承。由於該公司主要市場始終不是香港，所以人手方面比較緊張，可以話係我一個人做晒所有工作，由定單到首飾設計都要跟到足，咁大工作量，莫講話一個十幾年冇做事的人，就算做開珠寶生意的人，都不是一下子可以適應到。雖然新的工作與我所修讀嘅有關，牽涉很多專門知識，例如寶石分類、揀選、價格釐定等等，但不是一個初入行的人可以應付得到。
奪國際獎項 獲名牌垂青
「我份人比較固執，一件事決定要做，就一定要做到好為止，於是我更加用心讀書，後來我將自己的設計變成首飾放在公司店舖售賣，竟然有人欣賞，令我更有信心。
「後來導師叫我們參加第一屆『環亞閃耀珠寶設計比賽』，我能夠取得第三名，相信與在職訓練有一定關係。亦因為這個獎項，得到世界知名的首飾公司──施華洛世奇欣賞，希望可以推出我的得獎首飾作為名下產品。」
太陽眼鏡錫晒您
自家心得：
親身嘗試 發掘才能
對於修讀這類課程的朋友，Sylvia亦有她的論調：「我認為好多人聽到設計會覺得好虛無，未必有把握去讀，但我認為不妨先讀一下，試一試自己是否有呢方面嘅天分，否則可能會浪費了自己的才能，同埋勤力係非常重要嘅成功因素。」至於減壓的方法，Sylvia認為家人的關懷及支持便是答案。得獎當日，一家人都陪她前往意大利領獎。
增值歷程
姓名：蘇珮（Sylvia）
職業：珠寶設計師
2001年1月至12月：珠寶首飾設計證書課程（初級至高級）（香港浸會大學持續教育學院）
2002年3月至今：首飾製作證書課程入門（香港浸會大學持續教育學院）
課程簡介：
珠寶首飾設計證書課程（初級至高級）及首飾製作證書課程（初級至高級）
學費：6科約需$13,000
開課日期：2002年9月
截止報名：2002年8月
查詢電話：34115607
網址：www.hkbu.edu.hk/~sce