萬梓良（萬子）和任職空姐的郭明黎，去年十一月在港註冊，前晚兩人特別在廣州擺喜酒，萬子的好友林家棟、陳法蓉（Monica）和米雪等均有出席，萬子前晚除興奮得爆粗外，還親吻Monica的臉頰。
利是拍家棟頭
林家棟送給萬子夫婦一對筆做結婚禮物，取其一雙一對之意，他前晚更向萬子下跪，正式拜師學藝。萬子說：「我四十五歲人，收咗兩個徒弟，男嘅叫『×周』，有『啫啫』，大師兄姓周，叫周星馳，女嘅係陳法蓉。」
其後萬子用利是封拍林家棟的頭，他說：「希望你頭頭是道，錦上添花，自此之後，江湖上冇人敢收你保護費。」之後他又反轉利是封再拍一次，萬子說：「反面拍一拍，日日都有人客，雖然你『笨×』，但夠忠誠，一定得，等多兩年。」
此時林家棟送給萬子的一對筆的保證書掉在地上，萬子見狀即語無倫次說：「呢啲係垃圾，唔好要，我支筆唔使保養。我媾女冇失敗過，婚姻今晚成功。」
對於萬子的說話，林家棟說：「萬子個人以前都係咁，我哋識咗好耐，佢教我食嗰碗飯唔好鬧嗰碗飯，徒弟中最錫我，高興咪得囉。」
視米雪為舊愛
此外，萬子又自爆米雪乃是其首個女友，並已向太太備案，米雪卻否認說：「佢一時興奮啫，我只係佢電視上第一個女友！」
其實萬子和太太郭明黎十分恩愛，郭明黎在台上還承諾會愛丈夫一萬年。
記者李珮洳、黃文成廣州直擊