凌霄閣搞咗個「香港齊展笑」活動，搵咗社會福利署長林鄭月娥同大家分享笑嘅心得。
林太話自從做咗署長，兩個仔都話佢笑多咗，因為成日要去見好多唔同團體，笑可以幫佢打破隔膜，又可以表示關懷。
呢個活動亦有好多着數，三至十一歲同成人一齊搭纜車嘅小朋友，只要向售票員展示笑容就可免費。另外，只要捐款三十蚊以上，就可參加「全港無敵笑容大募集比賽」，勝出者除咗可以免費旅遊，得獎笑臉重會印喺出年嘅纜車票上。
（圖）前布政司司長鍾逸傑（左二）同林鄭月娥（右）攞住自己嘅笑臉相拍照留念。
陳國良攝


傳真︰2623-9278
電郵︰[email protected]