出口商會噚日舉行周年大會，選出唐慶年做新任會長。呢位叫阿Tom嘅唐慶年，就係財政司司長唐英年嘅細佬，之前喺出口商會做副會長，今次接替做咗四年會長嘅孫啟烈。阿Tom本身係美維科技集團常務董事，主要生產線路板及敷銅板，喺香港同東莞設有廠房。佢啱啱喺七月獲委任為太平紳士。
其實佢阿哥唐英年同出入口界都好有淵源，九五年唐司長出任工業總會會長時，就係透過進出口界功能組別選入當時嘅立法局，後來棄商從政，仕途無量，可惜暫時無法更上層樓，早排老竇至叫佢返公司幫手，難道細佬阿Tom唔得閒理啲生意？

傳真︰2623-9278
電郵︰[email protected]