謝霆鋒成日話唔想多講同張栢芝嘅新婚生活，不過唔講又講，單係喺菲律賓舉行嘅神秘婚禮已經分開幾集慢慢講，又經常以「老婆」嚟稱呼栢芝，提醒大家佢係有婦之夫。
前日霆鋒去成都宣傳新碟《毋忘我》時，大爆呢排做得室內運動多，所以瘦咗，仲繼續講婚禮當日其他詳情，佢用普通話講：「去菲律賓時我買了三隻戒指，一隻求婚，兩個結婚的。記得當天，我特意穿着襯衣、牛仔褲，顯得很正式，栢芝還笑我。好不容易等到了黃昏時分，我拿出戒指，栢芝驚呆了，足足有八秒鐘。」有內地記者追問霆鋒呢八秒感覺如何？佢笑笑口話：「很漫長，甚至想過她會不會拒絕我？」

講到話有傳霆鋒同栢芝係奉子成婚，霆鋒就話：「其實生男孩女孩我都喜歡，但我希望第一個是男孩，因為從父親角度來講，女孩的話我怕她被欺負。如果現在有一個小寶寶的話，不會讓他進入娛樂圈。」唔知霆鋒呢番生仔偉論又會分幾多part講呢？