政府搞公務員減薪搞得如火如荼，咁啱首長級薪俸及服務條件常務委員會主席利漢釗剛好夠鐘起身走人。
政府昨日就宣布搵咗恒生銀行副董事長兼行政總裁鄭海泉頂上，由今年四月一日開始，為期兩年，至二○○四年。
鄭大班呢個時候接手，八方真係唔知恭喜佢定係為佢擔心好，原因係阿松已經決定向公務員開刀，萬一真係唔跟薪酬趨勢減薪，身為主席的鄭大班肯定有排同阿松補鑊，但恭喜佢係好彩佢做首長級薪俸及服務條件常務委員會主席，呢班高官肯定會跟足煲呔指示，減幾多都無怨無悔兼夾誓死效忠特區政府，肯定唔似做公務員薪俸及服務條件常務委員會主席咁，要成日擔心工會上街。
（圖）阿松若唔跟薪酬趨勢減公務員薪，鄭大班肯定有排同阿松補鑊。


E-mail：[email protected]