以小本拍攝嘅日本電影《屍殺片場》，於日本上映時贏盡口碑，掀起一片熱潮，現時電影更於秋葉原舉行展覽展示戲服同售賣精品。

《屍殺片場》DVD同藍光碟昨日於日本發行，導演上田慎一郎率領一眾男女主角濱津隆之、秋山柚稀、主濱晴美等合共15位演員到澀谷宣傳。一眾演員都人氣急升，主濱晴美於片中發揮精彩演技，施展防身術更令人留深刻印象，佢於活動透露已獲Avex睇中成為旗下藝人，反觀濱津隆之雖然工作量大增，但佢話自己仍以自由身接工作，導演聽到都感到意外，狂問：「濱津仲係自由身？冇事務所搵你？點解？咁hit！」濱津尷尬回答話冇，話現時都仲搵緊事務所。

精選娛聞，喺晒《娛果》
http://fb.com/appledailyent