踏入六月，香港高級程度會考順利完成，中學會考亦接近尾聲，莘莘學子終可鬆一口氣，享受一個悠長假期。想當年，大使喺呢段等放榜期間，一定約埋幾個同學仔去做暑期工，一來唔使坐喺屋企咁悶，二來可以賺番啲零用，幫補升學嘅學費、書簿費。
不過，近年香港市道咁差，即使呢幾個月失業率有輕微回落趨勢，但學生哥要搵一份暑期工亦唔係咁容易，與其日日無所事事，不如做吓義工，幫吓人。

學習課堂外知識
千祈唔好以為做義工係蝕底嘅事，其實做義工可以學到好多嘢，例如人際相處、策劃技巧等，學到嘅知識一生受用。
其實學生哥要搵服務機會都好容易，最方便嘅係留意吓附近社區中心，亦可以瀏覽義務工作發展局網頁www.avs.org.hk ；另外，《暖流》版不時會刊登一啲社會服務機構招募義工嘅消息，大家不妨揀啲啱心水嘅崗位，服務社群。

暖流熱線
電話：29908688
傳真：23702192
電郵：[email protected]
網址： http://www.charity.atnext.com