陳友及張堅庭負責頒發最佳攝影及最佳剪接獎，而王昱憑《黃金時代》首度奪最佳攝影；至於最佳剪接獎，則由《太平輪：亂世浮生》嘅胡大為。胡大為，正是與廖偉雄一齊主持《笑聲救地球》中，「乜太與李」那個小李。

久未在幕前亮相嘅胡大為，幽默依然，但發福不少，佢話:「呢個應該獎應該唔係叫『最佳剪接』，應該係『最佳閹割』，因為拍親嘅劇實係過長嘅，最近嗰排仲興一閹閹兩次。」

胡大為入圍金像獎11次，次次都食白果，連佢都忍唔住自嘲:「記得上一次，差唔多二十幾年前，今次攞番呢個獎，唔知點講嘢，反而唔知點講。因為我哋由第一次提名，由《舞廳》開始，到依家，唔知應該講乜嘢，實在好多謝大會，各位咁多位支持我嘅朋友同導演。其實剪吳宇森導演嘅戲攞呢個獎，應該叫最佳閹割，因為拍親嘅戲一定過長，仲興一部戲閹兩次……多謝捱更抵夜兄弟姊妹，跟住我，就寫唔到瞓覺兩個字。感謝剪接高手，向佢哋致敬，佢哋係喺四堵牆中度過。」又想同張家輝、譚家明致謝，又特別向《五個小孩的校長》剪接師彭正熙致敬:「真係要寫個服字。」

專業精神獎得主是李坤龍先生。


「最佳攝影」提名名單:
趙非《太平輪：亂世浮生》
林華全《那夜凌晨，我坐上了旺角開往大埔的紅VAN》
王昱《黃金時代》
伍啟銘《黃飛鴻之英雄有夢》
潘耀明《竊聽風雲》

「最佳剪接」提名名單:
胡大為《太平輪：亂世浮生》
韋淑芬《黃金時代》
張嘉輝、鄧文滔《黃飛鴻之英雄有夢》
譚家明、彭正熙《魔警》
彭正熙《竊聽風雲3》