最近外國方面有消息傳出，謂福士車廠正有意為旗下Golf車系推出全新版本；新車除造型較現有型號更突出外，多個引擎配搭更能迎合不同用家嘅需要，而新車快者更可望於2003年舉行嘅德國法蘭克福車展上，作首度現身㖭。
從預想圖中可以睇到，新一代福士Golf嘅造型不但來得更見圓渾吸引，略帶跑味嘅車首造型，更為其增添有一份時代感㖭；車廂鋪排方面，則由於新車仍屬概念階段，故未有呢方面嘅詳細資料，但一般相信新車嘅鋪排將會來得更實用，頂級跑版亦要來得更富跑味㗎。
然而，廠方會為新Golf提供分別為1.4公升（86匹）、1.6公升（115匹）、2.0公升（150或180匹），同埋頂級版嘅3.2公升V6（240匹）型號，以迎合不同用家需要。
新車快者可望於2003年法蘭克福車展現身，並於2004年內推出其他型號如開篷版等等；有興趣嘅車迷，就要留意新車嘅確實推出日期喇。