一向講平等機會嘅平機會主席胡紅玉，被人話佢任人唯親，究竟發生乜嘢事？話說Anna老公親姊，即係佢姑奶秦家德，喺平機會做性別事務總監，比Anna更加早「入行」，有親戚喺同一間公司做嘢，原本冇乜問題，弊就弊在秦家德上年已經約滿退休，經Anna同意之後，平機會同佢再續約。
Anna噚日同八方講，秦家德其實係佢上一手主席張妙清請嘅，而平機會亦有成四、五個總監，個個都要做評估，同秦家德續約只係睇佢嘅工作表現。佢又話平機會其實冇特定嘅退休年齡，只係睇一個人做唔做得嘢，唔希望外界有太多揣測。Anna重講笑話，𠵱家香港有家庭崗位歧視條例，大家都唔可以歧視佢喎！
﹙圖﹚胡紅玉與姑奶共事被指任人唯親。


E-mail：[email protected]