胡定欣甜笑講復合

蘋果日報 2012/05/09 00:00


胡定欣昨日到新城為薛家燕主持的節目做嘉賓。早前馬國明自爆曾跟胡定欣拍拖,並暗示有機會復合,昨日家燕姐與定欣合照時,即對記者笑說:「佢同馬國明OK㗎,計我話如果係嘅不如訂婚啦。」定欣尷尬笑說:「家燕姐好鍾意開玩笑,成日帶歡樂畀大家,我唔會介意。」
問定欣跟馬國明可有機會續前緣?她甜笑說:「大家係好朋友,順其自然啦。」問她是否已搬回太古城與馬國明做鄰居,她說:「住邊區都唔關事,總之感情事順其自然。」說到冼灝英跟鄭嘉穎被傳不和,定欣指拍攝《拳王》時從未聽過二人爭吵,她說:「其實當事人都唔知乜嘢事,可能大家覺得呢啲新聞好睇,咪當劇集宣傳囉!」
採訪、攝影:譚倩宜