維基聚餐被集郵

蘋果日報 2013/12/22 00:00


失落免費電視牌照的王維基「死而復生」,前日在荃灣公司召開記者會宣佈進軍流動電視市場,記者會結束後,王維基在公司逗留至晚上8時許由司機接載離開,直駛往太子始創中心,出席母校民生書院校董及教職員的聖誕聚餐。
身為校董會成員的王維基抵達後,一支箭坐在主家席,見他邊食邊跟席上賓客講個不停,明顯因為可以達成進軍電視行業心願,心情靚爆。席間王維基更頻頻被人拉住合照,當正他明星般看待。
王維基逗留至晚上9時半離開,他的司機原來一早在樓下等待,但王維基卻叫司機自行離開,而他則駕車返回馬己仙峽道寓所。
採訪、攝影:梁繼光、黃曉程
empty
宣佈進軍流動電視的王維基,前晚出席母校派對時心情勁靚。
逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!