《拉闊足球場》啓播，由籌備、測試到出街，我最深刻係節目前會先同參加者嗲吓，發覺部份波友好pro，我同自己講，再唔增值隨時無得撈，哈哈！
記得讀大學副修新聞時，都應該有3分鐘諗過畢業後做anchor，只怪先天聲底唔夠厚，整定執筆搵食。放心，我只係打頭陣，其他拍檔遲吓都會登場，好似下星期就由老友牽牛上陣，唔會次次都係睇我同阿Mike咁寡。
我喺前晚節目提到紅軍就算唔贏，都唔會輸畀兵工廠班後生仔。立場不變，今次進取博和。

主客和：利物浦和

心得：兵工廠長勝路斷咯

近5場往績：輸贏贏贏輸

藍鑽石
忙於為與簡拿華路同日生的囡囡換片、掃風，但睇意甲，一場都不能少。