李克勤和譚詠麟前晚舉行左麟右李尾場演唱會，兩人連續兩年在農曆新年舉行演唱會，大發新年財，前晚十一場演唱會終圓滿結束。克勤和阿倫已計劃各自到不同地方旅遊充電，實行搵完錢「疏乎」一下。克勤又表示短期內二人不會再合作，始終二人是獨立歌手。

李克勤和譚詠麟前晚在紅館舉行尾場演唱會，克勤父母、汪明荃和苗僑偉戚美珍夫婦等都有往捧場。
克勤和阿倫合作過這次演唱會後，短期內不會再合作，因為他們覺得二人始終是獨立歌手。

繼續𢭃利是
克勤表示短期內不會再跟阿倫合作，他說：「我好感激阿倫，大家喺香港有99.9巴仙唔會再一齊做住，始終係獨立歌手，做埋內地巡迴，都唔知下次幾時再一齊，真係好唔捨得，或者好似溫拿咁五年開一次。」
而阿倫演唱時仍不停向觀眾𢭃利是，更專登走到阿姐的坐位拜年，又乘機叫阿姐講公道說話，解釋林子祥上次在她的演唱會中跌落升降台並不關他事，阿姐只笑不語。
演唱會後，克勤和阿倫到佐敦舉行慶功宴，克勤表示會跟家人到日本浸溫泉度假，他說：「大家唔好跟，我未結婚，到時一定公布。」克勤不希望傳媒再往騷擾女友盧淑儀的家人，或追問他們的婚事。

放過陳少寶
阿倫則謂會到哈爾濱滑雪，克勤擔心內地爆發禽流感，阿倫卻說：「候鳥飛唔切過去。」阿倫更表示有空會關心一下蔡國權和藍潔瑛。
問到是否因為環球唱片前高層陳少寶被廉署起訴，所以近日刪減揶揄他飲咖啡的環節時，克勤說：「唔關敏感事，因為今晚要錄影DVD同VCD，所以cut咗講嘢，想錄多幾首歌。」
採訪：李珮洳
攝影：仇志德