每次有新AIBO推出，最多人樂此不疲討論嘅問題，就係話佢似貓、似熊定似狗？不過最新一代ERS-311最近公開佢真正動物嘅身份啦！原來佢係一隻非常可愛嘅黑白熊貓！
SONYAIBO最近同日本某大牌子烏龍茶合作，搞咗個特別版ERS-311大抽獎，而頭獎就係呢隻咁得意可愛嘅熊貓AIBO；據了解，呢隻AIBO玩法同功能，同一般ERS-311版AIBO冇分別，不過最過癮之處就係多咗件玩具動物毛外套，套咗落去真係成隻毛公仔一樣！
暫時知道呢隻熊貓特別版AIBO只會在日本國內進行抽獎，截止日期為6月15日，如果看官們最近會過日本玩，又想參加呢個特別版AIBO大抽獎，就一定要留意以下遊戲官方網站啦!
查詢網址： http://www.suntory.co.jp/softdrink/oolongtea/index2.html