當年今日

SKY發起快閃行動
旺角街頭即起哄

蘋果日報 2003/08/25 00:00


近日熱門話題,非快閃黨莫屬。
但上周的快閃行動,卻淪為鬧劇,快閃至今尚未成風,也難怪,典型香港人心態──想試又不敢試,誰也不想成為笑柄,暫時還是隔岸觀火,睇定先跟風。
Sky五個大男孩,連同三位模特兒,當先鋒試玩快閃,玩後感是:「過癮,但無聊!」

記者:陳漢榮 攝影:伍慶泉
模特兒:Crystal、Julian、Holly
Sky快閃逐格睇
empty
1.從長計議
Bonald(左):「不如叫人喺旺角大嗌3分鐘『唔好買老翻』。」Bon:「計我話,叫三兩百人一齊去同一茶餐廳買菠蘿包,重過癮啦。」
empty
健仔(左)、Gilbert(中)Yani:「不如咁,叫人喺同一的士站一齊搭的士,叫司機喺的士站兜個圈,唔跳表就落車,振興經濟呀。」
empty
2.蹲身脫鞋
百老匯門口,Sky一馬當先脫鞋,三模特兒帶點猶豫。
empty
3.大喊口號
單腳跳,喊口號,Sky玩得夠放,三模特兒未盡投入。
empty
4.拍手掌
拍手掌,快閃行動完結前指定動作。


下午五時,Sky與三位模特兒在旺角百老匯戲院側的KFC開會,討論是次快閃行動的時間、地點與項目。五男三女,七嘴八舌,談不出個所以來,Bonald先歎氣:「咁無聊,我驚俾人當儍仔笑喎。」健仔皺眉頭:「玩得快閃,預咗無聊,唔無聊唔好玩㗎!」Bon認同:「都唔知點解啲鬼佬咁鍾意玩!」Gilbert與Yani則自嘲:「咁我哋𠵱家又玩?不如唔好玩囉。」未有結論先氣餒。
「橫掂出到嚟,玩埋先閃,話唔定好過癮呢。」Crystal欲試,但要跟大隊,Julian愛跟風:「無聊就係無聊啲,但鬼佬玩得起,我哋無理由玩唔起啫。」Holly全場出聲最少,但不鳴則已,一鳴有結論:「無聊又要玩,就咁玩啦,喺百老匯門口除鞋大嗌『快閃黨,好無聊!』,嗌夠3分鐘即閃。」
empty
5.快閃鬆人
太尷尬,眾人鞋帶也未綁好,即閃。
empty
6.各有各閃
開會,未決定行動完結後在哪裏會合,初各有各閃,最後眾人閃回KFC。
落雨照去有誠意
還是男孩子比較大膽,Sky蹲身,脫鞋;有先鋒壯膽,三模特兒有樣學樣,但脫不到一半,停,Holly撒嬌:「落雨喎,地下濕𣲷𣲷,點除鞋呀!」Bonald多計:「唔驚,我買報紙鋪地下,照玩。」Bon壯聲威:「我哋除一隻鞋,單腳企,照嗌口號,咪縮沙呀。」
「快閃黨,無聊!快閃黨,無聊!快閃黨,無聊……」眾人又跳又叫,引來大批旁人圍觀。實在太無聊,三模特兒感尷尬,先停,Sky勉強撐多一陣子,亦感面紅,健仔與Gilbert說:「不如閃咯。」Yani還想撐:「好頭好尾,拍完手掌,先閃……」掌聲過後,第一時間閃回KFC。
是次快閃不算成功,原定喊足3分鐘口號,現在喊不夠1分鐘,Sky總結:「過癮但無聊,不過算係咁啦,起碼拍埋手掌至走,我哋閃得咁快,都算得上快閃黨啩?」
四仔大叔:咪阻頭阻勢
8月22日,香港第二個快閃行動告吹。原定計劃在下午6時30分,到旺角好景商場門口喊「喂!4樓有四仔大叔!」喊完拍手掌即閃,但直至7時,依然無人參與,問長駐商場門口的「四仔大叔」有否快閃黨出現,他晦氣地答:「唔知呀!乜嘢快閃黨呀?乜嘢嗌三四分鐘口號呀……三仔四仔就有得賣,唔好阻頭阻勢。」想留意以後的快閃行動,可瀏覽 http://www.flashmob.hk.st/ 。
empty
■「四仔大叔」不知快閃為何物。
群星評快閃
快閃行動,無聊行先,訪問以下群星,結論是無一人會參加快閃行動,但說到無厘頭鬼主意,他們卻意見多多。
梁奕倫
建議行動:到特首辦公室一齊含笑食Fruit撻
原因:鬧佢無動於衷,不如喺董生面前吔Fruit撻,等佢唔好咁頹,等佢以為香港人關心佢,要笑住食喎,用愛感動佢,可能佢咁先會反省。


甘小文
建議行動:在繁忙時間的彌敦道玩一字馬
原因:夠無聊嘛,無聊使乜解釋啫,最好叫埋哨牙珍、四方菓一齊去。
empty
empty


關心妍
建議行動:到影音店問有否關心妍唱片賣
原因:咁咪無厘頭囉,襯晒快閃黨啦,明知無得賣都要問?
empty
empty


利嘉兒
建議行動:去麥當勞問有無魚蛋粉賣
原因:重要用純正普通話問喎,咁無聊,等職員鬧吓你哋都好。
empty
empty
empty
empty
MC仁
建議行動:到警署門口大喊:「快閃黨,戇X!」
原因:成班低能仔都唔知玩乜,夠薑就二三百條友一齊去差館門口爆粗,等差佬拉晒佢哋,低能仔,[email protected]$#……
empty
許志安
建議行動:去榕樹頭跳高拍樹5分鐘
原因:影響到人做生意,或者嚇親人嘅行動唔好搞喇,要無聊嘅,就無聊拍樹喇。
empty
市民意見:小文MC仁最多人撐
訪問20位市民,佔8成認為甘小文與MC仁的建議行動最值得支持,看來普遍香港人都不屑快閃這無聊玩意。
empty
■小魚:「其他人太Hardsell自己喇,小文嘅建議搞笑啲,如果真係搞得成,我諗我都會去──睇吓呀。」
empty
■阿菲:「過癮呀,如果真係有一二百人,同時喺彌敦道玩一字馬,幾壯觀吖。」