上個禮拜日日都係做阿董見佢啲選民，唔寫又唔得，寫又實在悶到嘔電；好彩卒之等到個有娛樂性嘅活動，就係香港電影業協會個資料庫啟用。八方一於去趁熱鬧，見吓許冠文、鄒文懷……開心吓。
八方唔係好熟電影，於是搵香港電影評論學會嘅蒲鋒過啲料。問佢近來忙乜，佢話剛搞完「最佳華語電影二百部」之評選，並且選咗最佳十部出嚟，第一名係費穆嘅「小城之春」（見表）。
石琪最近喺《名采》版都有提過「小城之春」會係有史以來最佳華語片，可惜八方未睇過；不過石琪話田壯壯正重拍，等吓就有得睇。講番個資料庫，係協會取得「電影發展基金」資助而成立，旨在保障版權。


E-mail：[email protected]