八方老友香港電台普通話台台長張圭陽，噚日做「第十屆全港中學生十大新聞選舉」頒獎禮主講嘉賓，同大家分享吓《十年蒼蒼──香港報業十年的發展及反思》。《蘋果日報》係九十年代出世嘅報紙，張圭陽喺主講時當然亦有講吓《蘋果》令人又愛又恨嘅地方。
佢話《蘋果》為本港報界帶來一個新局面，不過，九四年時曇花一現嘅《現代日報》亦有一定催化作用，皆因《蘋果》唔少員工都喺《現代》做過，「𠵱家《蘋果》老總都曾經係《現代》員工。」由此證明，《現代》做到要執笠，同啲夥計無關，報紙好壞，老細自己要負最大責任。
咁《蘋果》𠵱家又做成點呢？阿張生特別攞咗《蘋果》舊年母親節嘅版面出嚟講，說明現時報章形象化、文字資訊大量減少的發展趨勢，對呢個版面嘅評論就係：「你話溫馨又得，話煽情又得。」
（圖）《蘋果》去年母親節頭版係溫馨定煽情，張圭陽話唔同人有唔同睇法。


E-mail：[email protected]