半年前接受過近親骨髓移植的血癌女病人黃詩蓮，近日不幸出現復發迹象，令她情緒大受刺激。「最初真係有好大期望，以為自己可以好得番，可以出番嚟做嘢，但估唔到開心唔到幾個月，𠵱家就……。」阿蓮飲泣着說。
阿蓮哭訴，最近一次的驗血報告顯示，她的血小板及中性白血球指數均很低，且出現皮下出血的情況，醫生初步估計癌症復發的機會很大，但仍有待進一步化驗才能斷定結果。「雖然份報告重未出，但其實我自己都感覺到係有啲唔妥，呢排個人成日都好攰，唔停咁咳，無端端都會成身瘀晒，啲症狀就好似我初初復發咁，或者真係整定我逃唔過呢一劫。」

曾近親骨髓移植
二十八歲的阿蓮，前年六月旅港期間，發現患上急性血癌，生命危在旦夕，急需入院治理，其後移植過由其弟捐出的骨髓後，情況一度好轉，可是現時再度傳來噩耗，阿蓮除了擔心自己的病況之外，更要為生活費操心。
阿蓮在港舉目無親，善長不斷獻出關懷和支持，伴她走過最艱辛的日子。「我真係好多謝大家一直咁支持我，原計劃緊返番上大陸搵份新工，點知𠵱家突然間出事，我手頭上嘅錢又差唔多用晒，都唔知點算，好彷徨。」阿蓮盼善長繼續支持她再次面對癌魔。
捐款編號︰C0330

暖流熱線
電話：29908688
傳真：23702192
電郵：[email protected]
網址： http://www.charity.atnext.com