詹瑞文讚阿嬌夠淡定

蘋果日報 2009/03/08 00:00


鍾欣桐接受無綫《志雲飯局》訪問,事後其演技老師詹瑞文被指是幕後軍師,昨日詹瑞文接受本報電話訪問時說:「同阿嬌上堂時,佢都open咁同我提過上得節目會講嗰件事(指淫照事件),我有同佢講如果有意見想問我可以提出,但係就絕對唔係雜誌所寫,話我做佢幕後軍師,我冇畀過任何意見佢。」
制訂新課程
詹瑞文又謂有留意在電視播出的阿嬌訪問宣傳片段,他說:「今次佢都係直接講出自己感受,我相信佢嘅感覺都幾複雜,我估佢都做好晒心理準備,公司都會幫佢,我睇啲片段佢好淡定吖!不過我覺得呢幾日好似將呢件事港聞娛樂化,真係麻麻哋。」他又透露已訂好一個課程給阿嬌,並將資料交給英皇,現時在等對方答覆下次上課時間。
此外,阿嬌在《志雲飯局》中大讚麥浚龍(Juno)很有義氣,不抹煞二人的發展機會,Juno所屬公司昨日表示不會回應。至於早前也就淫照事件開腔的張栢芝,其經理人周小姐昨日說:「栢芝都冇乜嘢回應,大家係唔同嘅訪問。」至於阿嬌最愛的陳冠希,也同樣沒有回應。
訪採:李佩洳、李全