為表彰滙豐熱心公益，公益金透過由香港房屋委員會支持嘅「善長命名計劃」，噚日正式將赤柱美利樓地段海旁命名為「滙豐海濱走廊」。根據公益金提供嘅資料，滙豐過去三十五年累計向公益金捐出善款達八千六百萬元；單係今個年度就有六百萬元。
除咗每年捐款，滙豐銀行慈善基金重成立咗一項有二千五百萬元嘅專項基金，資助公益金發展各項實驗性先導計劃，擴大服務層面。噚日嘅命名儀式上，滙豐銀行主席艾爾敦忽發雅興，上台玩表演樂隊嘅大鼓，打咗幾下。佢同八方話，自己四十年前喺學校曾夾過band，唔怪得大班唱K唱得咁醒啦。
（圖）大班打鼓


傳真︰2623-9278
電郵︰[email protected]