容祖兒前晚往無綫電視城，為TVB八頻道舉辦的《超級紅人館——迷唱容祖兒》節目錄影，祖兒請了Twins做嘉賓，並一起載歌載舞。祖兒總共換了兩套衫，除了唱新歌之外，亦唱了一些經典舊歌，Twins更在台上玩呼拉圈。
反駁迷信說法
容祖兒前晚駁了髮，頭髮長至膊頭，她戴了一頂畫家帽，並稱這個造型是英倫校園look，前日上庭被起訴串謀妨礙司法公正的謝霆鋒最近亦駁了假髮，有說是為了轉運，問祖兒是否因為公司要求才駁髮？她說：「我的確係駁咗髮，但話會轉運，你哋真係好想像力，係我自己想改變髮型，如果留長就要好耐，而且留長都未必有𠵱家咁嘅髮質。你哋成日有啲咁嘅報道，講到我哋成班好似係超級迷信嘅人咁，事實根本就唔係咁。」
關心霆鋒狀況
至於有報道指楊受成受高人指點，落令英皇旗下藝人着黃色衫和藍色衫，祖兒否認說：「我今次呢個造型係自己設計嘅，叫做英倫校園look，全部係我自己襯，襯衫本身已經難㗎啦，如果重要限死顏色，咁就真係好弊！」
對於謝霆鋒被起訴串謀妨礙司法公正一事，她說：「希望佢可以盡快解決，我亦唔打算問佢呢件事，雖然我關心佢，但有啲嘢冇必要問到篤。」
採訪：楊潔雯
攝影：陳偉權