黎瑞恩（小恩子）於上周五晚與女助手、友人駕車往銅鑼灣消夜，豈料途中遇上四名男子截停其座駕出言侮辱，還用硬物敲打黎瑞恩座駕的擋風玻璃，小恩子只好報警求助，事件中警方拘捕了其中一名滋事分子。
昨日記者致電給小恩子，她表示：「發生呢件事後，我即刻打電話畀男友，佢都嚇親，重話我做乜咁勇，自己去捉人咁危險，好彩都捉到一個，𠵱家我都唔會怕一個人出街，但為咗家人安心都會同埋助手一齊出入，遲吓要上庭作供，我都會同警方合作。」

難敵熱情歌迷
此外，前晚小恩子、陳文媛與B2在電視城為《勁歌金曲》演出，當節目重播小恩子一些舊片段時，小恩子因一時感觸哭起來，在錄影完畢，她又衝到化妝間繼續流淚，問她為何如此傷心，她解釋說：「我都叫佢哋唔好播番舊片段，佢哋又播，搞到我見番啲咁熱情fans，真係好唔捨得，所以先忍唔住喊啫！」