周麗淇（Niki）和黃宗澤日前在灣仔海旁拍攝無綫新劇《天幕下的戀人》，劇中一直暗戀周麗淇的黃宗澤鼓起勇氣示愛時，Niki最初以為遭戲弄，最終才發展一段情。

期待吻戲

Niki自言未試過有男仔當面示愛，她說：「如果我係對佢有意思嘅話，佢根本就唔使講啲乜嘢，其實我都試過暗戀人，當時梗係唔會主動示愛喇，女仔始終有矜持。不過𠵱家唔同，我會為將來嘅幸福去爭取，除非個男人有老婆。」
黃宗澤則表示劇中只有一場吻Niki額頭的戲，他說：「嗰場都係劇集需要導演臨時加上去！」問黃宗澤會否要求導演加場咀戲，他說：「咁又唔會主動叫，如果真係劇情有咁嘅需要嘅話至算喇。」
採訪、攝影：王崇穎