前日董太（圖中）出席一個傑出少年選舉，致辭時講講吓真情流露，話自己希望後生啲。八方最近偶然上到去婦協嘅網頁，見到一張相，證明董太真係好恨回復青春。
呢個婦協由一大班名太組成，包括詩姐、范太、曾梓憲太太、霍英東太太、林貝聿嘉……排位最高最正中嗰位名譽贊助人，明顯比其他名太後生一大截，無論化妝、衣着，都似足二、三十年前嘅出品。八方初時唔知佢係乜水？一睇說明，竟然就係阿董個愛人──董趙洪娉！最搞鬼佢只畀大家睇七分臉，比起其他名太都以大頭照示人，董太真係成功出位！有興趣去 http://www.hkfw.org/councilc.htm 睇真啲。


傳真︰2623-9278
電郵︰[email protected]