阿玉憶述年前舊事時說：「當年佢過身嗰時，我重陀住五個月身孕，因為受唔住刺激要留醫，所以佢嘅身後事都係政府搞，佢出殯嗰日我都唔知，唔可以送佢最後一程，只係知佢葬咗喺沙嶺公墓。」阿玉說完，禁不住哭得雙眼通紅。其六歲女兒不解地說：「媽咪妳做乜喊呀？」隨即拿了一條毛巾給母親拭淚。
女兒曾住保良局
阿玉與丈夫阿彥於九四年結婚，婚後育有兩名女兒，現年分別四歲及六歲。阿彥原任職清潔工人，多年前曾患肺癆。阿玉對記者表示，九七年十月某日凌晨，其夫突覺胸口不適，她遂到廚房倒水給丈夫喝，詎料回到房中，已見丈夫陷入昏迷，其後更加口鼻噴血，當時懷有五個月身孕的阿玉慌忙拖着只得一歲的長女送丈夫入院急救，奈何丈夫最終不治。
「我先生過身前一啲先兆都冇，我完全冇心理準備，當時大女咁細，細女未出世，嗰段日子真係好難過，嗰時我因為照顧唔到大女，社署將佢送入保良局，住咗足足兩年。」阿玉哭道。
兒時患有小兒麻痹症導致左腿殘廢的阿玉，為要照顧兩名女兒，無法外出工作，孤寡三口依靠綜援金維生，生活雖然十分清苦，但總算穩定下來。然而，阿玉近日接獲食物環境衞生署通知書，表示其夫夠期「起骨」，需先繳付四千多元執骨費，然後再交火化骨殖費、骨灰位費及手續費等，總數約一萬二千元。
「我以為乜都搞掂晒，都唔知會有手尾跟，你叫我𠵱家去邊度搵咁大筆錢出嚟。」阿玉苦惱地說。