台灣有六、七成人係佛教徒，講起拜佛港人就真係自愧不如。上周星雲法師就同台灣前法務部長廖正豪專程來港，同大陸佛教協會會長刀述仁簽定協議，二十三號就會包兩架專機，去陝西法門寺恭迎獨一無二的「佛指骨舍利」環台瞻仰。
講到呢個舍利就巴閉，不但係出自二千多年前的釋迦牟尼肉身，而且係非火化後的舍利，十分稀有。
個佛教寶物咁貴重，因此大陸會有一個二十四人的護法團，台灣更有百二位「護法金剛」全程貼身守衛，再加上保安人員同警員，廖部長同八方拍心口話「冇問題」。
星雲法師就話由於佛指係無價寶，冇保險公司敢承保，不過「佛祖會自己保護自己」，唔使擔心。而今次過境香港就唔會落機。
（圖）星雲法師（中）手持介紹佛祖指骨舍利的小冊子。


E-mail：[email protected]