今日好開心，因為一位識咗十幾廿年嘅好兄弟今日終於「小登科」，喺度先同佢講聲恭喜恭喜，亦都好希望佢快啲生番個小朋友，做埋人哋老竇啦！
講完私事，都係講番推介先，之前有位同事話我喺呢個專欄成日推曼聯，好悶喎！咁我想問，如果跟住買又執番多少，你又覺唔覺悶先？
呢排掛住寫NBA搞到冇晒心機度波，所以都係揀番不嬲跟開嘅球隊作為出擊重心。當中曼聯當然係首選啦，一如所料，曼聯呢排已經重返正軌，英聯盃搵班𡃁仔踢輸波唔好講，齋計聯賽已經7連勝，呢股氣勢我諗除咗阿仙奴，都冇乜邊隊好得過佢哋。
今次返奧脫福對米杜士堡，可以話執硬3分，不過齋W同「主勝」回報都低玩唔過，反而入球「大」仲筍！至於我嘅重心，就係波膽4:0、4:1喇。

波膽：曼聯贏4:0、4:1

心得：紅魔勢如虹咪拗頸

近5場往績：贏贏贏輸贏

賴恩
以小博大，務求打破上季命中逾千倍波膽過關紀錄！續拒雞肋回報！