有人當醫生是為了實踐理想，有人是為了賺取名利，但文志賢的理由就簡單得多，只為幫助別人。幾乎每周七天、每天十多小時的救急扶危工作，也不足以滿足他那顆熱切助人的心，因此他四出參與義務工作，「我深信有能力幫人就要盡量幫，因為無償助人，自己得到嘅滿足感真係好大！」
從醫近二十年的文志賢，是威爾斯親王醫院急症室顧問醫生，公餘時間則為醫療輔助隊服務，並在三間安老院擔任義務醫生，日後還會加入聖約翰救傷隊當導師，教授急救知識。他強調「個人力量始終有限，所以我加入呢啲組織，希望幫人嘅層面可以擴闊。」
去年底南亞海嘯發生之時，正在印度旅遊的文志賢，從電視新聞報道上知悉事件後，腦海裏即時閃出立刻加入救援行列的念頭，但由於不忍丟下同行的太太及兒子，令他無法即時成行，幸而數日後他接獲醫療輔助隊的出勤通知，立即出發到災區進行救援。
雖然多年來在急症室歷盡無數生離死別，但他強調自己從未「睇化」，尤其是在盡顯人命脆弱的海嘯大災難發生時，他更加體會到擁有一顆「同理心」的重要性，「山火、交通意外、跳樓搞到腦漿標晒出嚟我都見過，但係睇得多並冇令我冷血，冇令我麻木。雖然我唔會陪個受害人喊，但係我仍然會用代入受害人同佢哋家屬嘅感覺，用同理心去了解佢哋嘅心情，畀佢哋心靈上嘅安慰。醫生，唔一定只係醫病！」
可是，有時候文志賢付出的卻沒有人「領情」。他憶述一次在地鐵上看見一名女子突然暈倒，身旁的幾位中年女士即時扶她起來，「我一睇就知佢唔夠血上腦，叫啲人唔好扶佢起身。點知嗰班中年女士話地下有『地氣』，唔可以瞓低。我話我係醫生，佢哋都唔睬我，真係冇晒辦法！」
記者：陳倩雯
逢周一刊出