當年今日

  馬丁、葉劉冤家路窄 - 李八方

蘋果日報 2002/09/19 00:00


《基本法》二十三條幕前幕後嘅主事人葉劉淑儀,同反對派馬丁真係冤家路窄,上年葉劉先搬咗去半山好多部長聚居嘅部長樓,馬時亨同查大俠都係住嗰度,不過葉劉同馬丁又真係住得認真近咗啲嘅,住同一座重要同一層,一梯兩伙,葉劉住A單位,馬丁住B單位,真係有機會日日碰口碰面。
八方聽聞早排葉劉因為居港權事件,俾人喺立法會門外圍住架車,馬丁事後都有登門慰問,不過今次二十三條立法,馬丁會唔會行過隔籬搵葉劉傾吓呢?馬丁同八方講:「我梗係唔想夜晚返到屋企,重要走去拍門同葉劉理論啦!」


傳真︰2623-9278
電郵︰[email protected]