郭可盈日前為婚紗雜誌拍照，她表示自己不急於結婚，只要與男友相處愉快便足夠。郭可盈又讚香港男士，她覺得香港女孩十分幸福。

郭可盈近期應雜誌《新婚通信》邀請出任模特兒，身形勻稱的她演繹多套晚裝，美豔動人。
問經常穿婚紗工作的郭可盈，究竟何時才跟男友林文龍結婚，她說：「媽咪從來都冇催過我哋結婚，呢啲嘢要順其自然，總之兩個人開心咪得囉！」

曲髮增時代感
郭可盈跟男友林文龍十分恩愛，二人到底有甚麼相處之道？郭可盈說：「我覺得有啲嘢要講緣份，我都唔使男友百般遷就。不過香港啲男仔幾好，我都好慶幸自己係香港女仔。」
此外，郭可盈跟林保怡和馬德鐘現正拍攝無綫新劇《打更急先鋒》，她在戲中飾演醫生，為了加重角色的時代感，郭可盈特別把秀髮電曲。
郭可盈日前在電話中說：「我想個角色同傳統有啲分別，想個造型有性格一啲。」

苦練滑板技術
郭可盈在《打》劇中飾演玩滑板高手，為了令演出維肖維妙，郭可盈近日正積極苦練玩滑板，她說：「我平時好少做運動，但以前都有玩溜冰同踩雪屐，或者睇吓可唔可以發揮番啲運動細胞出嚟。」
採訪：比華利